Chat with Astrologer 
Talk to Astrologer 
श्री गणेश कवच
गौर्युवाच ।
एषोऽतिचपलो दैत्यान्बाल्येऽपि नाशयत्यहो ।
अग्रे किं कर्म कर्तेति न जाने मुनिसत्तम ॥ १॥
दैत्या नानाविधा दुष्टाः साधुदेवद्रुहः खलाः ।
अतोऽस्य कण्ठे किञ्चित्त्वं रक्षार्थं बद्धुमर्हसि ॥ २॥
मुनिरुवाच ।
ध्यायेत्सिंहहतं विनायकममुं दिग्बाहुमाद्ये युगे
त्रेतायां तु मयूरवाहनममुं षड्बाहुकं सिद्धिदम् ।
द्वापारे तु गजाननं युगभुजं रक्ताङ्गरागं विभुम्
तुर्ये तु द्विभुजं सिताङ्गरुचिरं सर्वार्थदं सर्वदा ॥ ३॥
विनायकः शिखां पातु परमात्मा परात्परः ।
अतिसुन्दरकायस्तु मस्तकं सुमहोत्कटः ॥ ४॥
ललाटं कश्यपः पातु भृयुगं तु महोदरः ।
नयने भालचन्द्रस्तु गजास्यस्त्वोष्ठपल्लवौ ॥ ५॥
जिह्वां पातु गणक्रीडश्चिबुकं गिरिजासुतः ।
वाचं विनायकः पातु दन्तान् रक्षतु विघ्नहा ॥ ६॥
श्रवणौ पाशपाणिस्तु नासिकां चिन्तितार्थदः ।
गणेशस्तु मुखं कण्ठं पातु देवो गणञ्जयः ॥ ७॥
स्कन्धौ पातु गजस्कन्धः स्तनौ विघ्नविनाशनः ।
हृदयं गणनाथस्तु हेरंबो जठरं महान् ॥ ८॥
धराधरः पातु पार्श्वौ पृष्ठं विघ्नहरः शुभः ।
लिङ्गं गुह्यं सदा पातु वक्रतुण्डो महाबलः ॥ ९॥
गणक्रीडो जानुसङ्घे ऊरु मङ्गलमूर्तिमान् ।
एकदन्तो महाबुद्धिः पादौ गुल्फौ सदाऽवतु ॥ १०॥
क्षिप्रप्रसादनो बाहू पाणी आशाप्रपूरकः ।
अङ्गुलीश्च नखान्पातु पद्महस्तोऽरिनाशनः ॥ ११॥
सर्वाङ्गानि मयूरेशो विश्वव्यापी सदाऽवतु ।
अनुक्तमपि यत्स्थानं धूम्रकेतुः सदाऽवतु ॥ १२॥
आमोदस्त्वग्रतः पातु प्रमोदः पृष्ठतोऽवतु ।
प्राच्यां रक्षतु बुद्धीश आग्नेयां सिद्धिदायकः ॥१३॥
दक्षिणास्यामुमापुत्रो नैरृत्यां तु गणेश्वरः ।
प्रतीच्यां विघ्नहर्ताऽव्याद्वायव्यां गजकर्णकः ॥ १४॥
कौबेर्यां निधिपः पायादीशान्यामीशनन्दनः ।
दिवाऽव्यादेकदन्तस्तु रात्रौ सन्ध्यासु विघ्नहृत् ॥ १५॥
राक्षसासुरवेतालग्रहभूतपिशाचतः ।
पाशाङ्कुशधरः पातु रजःसत्त्वतमः स्मृतिः ॥ १६॥
ज्ञानं धर्मं च लक्ष्मीं च लज्जां कीर्ति तथा कुलम् ।
वपुर्धनं च धान्यं च गृहान्दारान्सुतान्सखीन् ॥ १७॥
सर्वायुधधरः पौत्रान् मयूरेशोऽवतात्सदा ।
कपिलोऽजादिकं पातु गजाश्वान्विकटोऽवतु ॥ १८॥
भूर्जपत्रे लिखित्वेदं यः कण्ठे धारयेत्सुधीः ।
न भयं जायते तस्य यक्षरक्षःपिशाचतः ॥ १८॥
त्रिसन्ध्यं जपते यस्तु वज्रसारतनुर्भवेत् ।
यात्राकाले पठेद्यस्तु निर्विघ्नेन फलं लभेत् ॥ २०॥
युद्धकाले पठेद्यस्तु विजयं चाप्नुयाद्द्रुतम् ।
मारणोच्चाटकाकर्षस्तम्भमोहनकर्मणि ॥ २१॥
सप्तवारं जपेदेतद्दिनानामेकविंशतिम् ।
तत्तत्फलवाप्नोति साधको नात्रसंशयः ॥२२॥
एकविंशतिवारं च पठेत्तावद्दिनानि यः ।
कारागृहगतं सद्योराज्ञा वध्यं च मोचयेत् ॥ २३॥
राजदर्शनवेलायां पठेदेतत्त्रिवारतः ।
स राजसं वशं नीत्वा प्रकृतीश्च सभां जयेत् ॥ २४॥
इदं गणेशकवचं कश्यपेन समीरितम् ।
मुद्गलाय च ते नाथ माण्डव्याय महर्षये ॥ २५॥
मह्यं स प्राह कृपया कवचं सर्वसिद्धिदम् ।
न देयं भक्तिहीनाय देयं श्रद्धावते शुभम् ॥ २६॥
यस्यानेन कृता रक्षा न बाधास्य भवेत्क्वचित् ।
राक्षसासुरवेतालदैत्यदानवसम्भवा ॥ २७॥
इति श्रीगणेशपुराणे उत्तरखण्डे बालक्रीडायां
षडशीतितमेऽध्याये गणेशकवचं सम्पूर्णम् ॥
Ganesha Kavacham
esoti chapalo daityan balyepi nasayatyaho ।
agre kim karma karteti na jane munisattama ॥ 1
daitya nanavidha dusṭassadhu devadrumah khalah ।
atosya kanṭhe kinchittyam raksam sambaddhumarhasi ॥ 2 ॥
dhyayet simhagatam vinayakamamum digbahu madye yuge
tretayam tu mayura vahanamamum saḍbahukam siddhidam ।
dvaparetu gajananam yugabhujam raktangaragam vibhum turye
tu dvibhujam sitangaruchiram sarvarthadam sarvada ॥ 3 ॥
vinayaka ssikhampatu paramatma paratparah ।
atisundara kayastu mastakam sumahotkaṭah ॥ 4 ॥
lalaṭam kasyapah patu bhruyugam tu mahodarah ।
nayane balachandrastu gajasyastyosṭha pallavau ॥ 5 ॥
jihvam patu gajakriḍaschubukam girijasutah ।
vacham vinayakah patu dantan
sravanau pasapanistu nasikam chintitarthadah ।
ganesastu mukham patu kanṭham patu ganadhipah ॥ 7 ॥
skandhau patu gajaskandhah stane vighnavinasanah ।
hṛdayam gananathastu herambo jaṭharam mahan ॥ 8 ॥
dharadharah patu parsvau pṛsṭham vighnaharassubhah ।
lingam guhyam sada patu vakratunḍo mahabalah ॥ 9 ॥
gajakriḍo janu jangho uru mangaḻakirtiman ।
ekadanto mahabuddhih padau gulphau sadavatu ॥ 10 ॥
ksipra prasadano bahu pani asaprapurakah ।
anguḻischa nakhan patu padmahasto rinasanah ॥ 11 ॥
sarvangani mayureso visvavyapi sadavatu ।
anuktamapi yat sthanam dhumaketuh sadavatu ॥ 12 ॥
amodastvagratah patu pramodah pṛsṭhatovatu ।
prachyam raksatu buddhisa agneyyam siddhidayakah ॥ 13 ॥
daksinasyamumaputro naiṛtyam tu ganesvarah ।
pratichyam vighnaharta vyadvayavyam gajakarnakah ॥ 14 ॥
kauberyam nidhipah payadisanyavisanandanah ।
divavyadekadanta stu ratrau sandhyasu yahvighnahṛt ॥ 15 ॥
raksasasura betaḻa graha bhuta pisachatah ।
pasankusadharah patu rajassattvatamassmṛtih ॥ 16 ॥
jnanam dharmam cha laksmi cha lajjam kirtim tatha kulam ।
vapurdhanam cha dhanyam cha gṛham darassutansakhin ॥ 17 ॥
sarvayudha dharah pautran mayureso vatat sada ।
kapilo janukam patu gajasvan vikaṭovatu ॥ 18 ॥
bhurjapatre likhitvedam yah kanṭhe dharayet sudhih ।
na bhayam jayate tasya yaksa raksah pisachatah ॥ 19 ॥
trisandhyam japate yastu vajrasara tanurbhavet ।
yatrakale paṭhedyastu nirvighnena phalam labhet ॥ 20 ॥
yuddhakale paṭhedyastu vijayam chapnuyaddhruvam ।
maranochchaṭanakarsa stambha mohana karmani ॥ 21 ॥
saptavaram japedetaddananamekavimsatih ।
tattatphalamavapnoti sadhako natra samsayah ॥ 22 ॥
ekavimsativaram cha paṭhettavaddinani yah ।
karagṛhagatam sadyo rajnavadhyam cha mochayot ॥ 23 ॥
rajadarsana veḻayam paṭhedetat trivaratah ।
sa rajanam vasam nitva prakṛtischa sabham jayet ॥ 24 ॥
idam ganesakavacham kasyapena saviritam ।
mudgalaya cha te natha manḍavyaya maharsaye ॥ 25 ॥
mahyam sa praha kṛpaya kavacham sarva siddhidam ।
na deyam bhaktihinaya deyam sraddhavate subham ॥ 26
anenasya kṛta raksa na badhasya bhavet vyachit ।
raksasasura betaḻa daitya danava sambhavah ॥ 27 ॥
॥ iti sri ganesapurane sri ganesa kavacham sampurnam ॥
Download PDF
अधिक पढ़ें : Shri Surya Kavacham ( श्रीसूर्यकवच )
अधिक जानकारी के लिए आप InstaAstro के अनुभवी ज्योतिषियों से बात करें।
अधिक के लिए, हमसे Instagram पर जुड़ें। अपना साप्ताहिक राशिफल पढ़ें।
