Tarot Anagha

kind person and understands the situation

Some people come into your life and leave a lasting impact without even realizing it. You are one of those rare souls for me. I genuinely don’t know how to express the gratitude and warmth I feel whenever I talk to you. What amazes me most is your patience. I can come up with endless excuses, overthink situations, repeat the same worries, and sometimes make things far more complicated than they need to be, yet you never lose your calm. Instead, you patiently listen, understand where I’m coming from, and gently help me see things from a better perspective. What I appreciate most is that conversations with you never feel forced. We can talk for hours, and not once do I feel bored or judged. There is a comfort in your presence that makes it easy to open up about anything and everything. You have this incredible ability to make people feel heard, valued, and understood. More than anything, you have made me believe that genuinely kind and good-hearted people still exist. Thank you for your wisdom, patience, encouragement, and unwavering support. Knowing that I can always talk to you is something I truly cherish, and I am deeply grateful for you.❤️❤️🤗

Very Knowledgeable ,friendly ,understanding ,with plethora of remedies.

You're the goddess, words defy your magic

Main blank ho jata hoon Ma'am aaj kal review likhte samay. 😅 Itne saare emotions ek saath run hote hain ki bahut mushkil ho jata hai likhna. Sirf likhna nahi, pehle toh khud ko sambhalna. Mard bhi ro sakte hain, yeh aapne hi sikhaya ki rone se gender ka koi lena-dena nahi. Ab mujhe pata hota hai aap ho, pata hota hai main ab aur akela nahi hoon. Mere har mushkil samay par aap ho, mere har achievement mein aap bologe, "yayyyyyy." 🎉 Yeh yayyy sunne ke liye hi main jeeta hoon Ma'am. Aapki awaaz mein jab aap bolte ho na, "I AM SO PROUD OF YOU," har baar meri aankh bhar aati hai, har baar. Bihar ke conservative family ka woh ladka jo sirf gaaliyon ke saath pala-badha hai, jisko sirf aur sirf trauma hi mila ho, woh agar sabki nazron mein aaj khud ke liye samman dekhta hai, toh yakeen kar pana mushkil hota hai Ma'am ki yeh ho raha hai. Aajeevan akela raha hoon. Aap aayi toh Maa ka haath sir par hone ka ehsaas hua. Aaj government job par toh hoon hi, appraisal mail aaya toh main ekdum numb ho gaya. Pata hai Ma'am, ab khushi milne par na, rona aata hai, phoot-phoot kar. Main is mail ka haqdar hoon bhi kya? Yeh sab maine nahi kiya hai, yeh toh aapne kiya hai Ma'am aur karwaya hai. Kaise aabhaar vyakt karoon Ma'am? 🙏 Thank you bolna bahut hi chhota lagta hai. Har din ki shuruaat main aapko thank you karke hi karta hoon. Main aapka student aaj natmastak hokar, aapka charan sparsh kar, aapko aabhaar jatana chahta hoon. Dil ki gehraai se, poore nervous system se, poore cerebrum hemisphere se, har blood vessel se thank you. ❤️ Jeena sikhane ke liye thank you, kabhi bhi akela na chhodne ke liye thank you, itna parishram mere upar karne ke liye thank you. Haath jodkar, nam aankhon se thank you Ma'am, insaan banane ke liye. Hum sabko aapki bahut zarurat hai, toh kripya apna dhyan rakhiye. 🌸 Happy wala weekend Ma'am 😊

Aap kya jano Ma'am ek Anagha life mei rehne se kya hota hai😌 Kuch bhi galat ho toh Ma'am thik kar do aur wo jadu ki chhadi ghoomi aur life back to track. Desire hai toh Ma'am ko bolo, wo na nahi, hasil karwa degi aur aapko uss desire ke layak bhi bana degi. Mann mein confusion, bas ek call aur crystal clear brain. Anxiety attack, ek call aur anxiety toh chhu mantar, upar se confidence duguna. Zeal itna high ki Everest chadhwa lo. Ufff Ma'am, kitne bade vardaan ho aap life mei aur dhanyawaad iss Parmatma ka jinhone hume aapse milwaya🙏 Human psychology aapse better koi bhi nahi samajh sakta, brain kaise function karta hai plus technique, wo rigid thought patterns se bahar kaise aaya jaye. Kya se kya bana diya aapne, sach kehte hain log ki yeh bhi nahi keh sakte ki sapno ki zindagi, kyunki sapna bhi maine itna bada nahi dekha kabhi, aukat se bahar tha. Aapne sapne dekhne ka gun sikhaya aur har sapne ko par diye udne ke liye. Uff Ma'am, aap kya jano ek Anagha life mei rehne se kya hota hai. Pranam aapko, saath dijiyega 🙏🙏🙏

Anaga Di, ❤️ Sach kahun toh mujhe samajh hi nahi aa raha ki main apni baat kaise shuru karun. Bas itna jaanta hoon ki aapka naam hi apne aap mein ek sukoon lekar aata hai. "Anaga Di" sunte hi dil ko ek ajeeb si tasalli milti hai, jaise koi keh raha ho, "Sab theek ho jayega." 🤍 Life pichhle kuch saalon mein bahut up and down rahi hai. Aur honestly, hamesha kuch na kuch chalta hi rehta hai. Pehle kuch aur tension thi, aaj kuch aur hai. Aur aap jaanti hain ki mere liye kabhi-kabhi ye sab kitna overwhelming ho jata hai. Lekin ek cheez jo kabhi nahi badli, woh ye bharosa hai ki jahaan mujhe zarurat hogi, wahaan aap hamesha mere saath khadi hongi. ✨ Aaj meri life mein kuch bhi hota hai, chhota ya bada, meri pehli instinct hoti hai, "Mujhe Di se baat karni hai." Kyunki mujhe pata hai ki chahe situation kaisi bhi ho, aap mujhe woh clarity de dengi jo us waqt mujhe khud mein nazar nahi aa rahi hoti. Sabse khoobsurat baat ye hai ki hamari conversations ab sirf guidance tak seemit nahi rahi. Ab unmein ek family wali warmth aa gayi hai. Mujhe aapse baat karte waqt kabhi nahi lagta ki mujhe apne words filter karne hain, ya kisi formal boundary mein rehna hai. Mujhe bas lagta hai ki meri Di saamne baithi hai aur main apne dil ki har baat keh sakta hoon. Aur sach toh ye hai ki main aapse lagbhag har baat share karta bhi hoon. 🫶 Kabhi-kabhi main sochta hoon ki 3 saal pehle main kahan tha aur aaj kahan hoon. Aur jab main apne andar aayi hui growth, confidence aur self-worth ko dekhta hoon, toh usmein aapka contribution shabdon mein bayan karna mushkil hai. Aaj agar mujhe lagta hai ki "haan, main kuch hoon," toh us ehsaas ko develop karne mein aapka bahut bada role hai. 🌸 Aap hamesha ek guiding light rahi hain. Ek guiding pillar. Ek umeed. Ek roshni. Ek guardian angel. Shayad inmein se koi bhi word poori tarah aapko define nahi kar sakta, lekin itna zaroor keh sakta hoon ki meri life ke kai andhere modon par aapne mujhe raasta dikhaya hai. ✨🤍 Aur pata hai, log kehte hain na woh filmon mein ki say those three magical words......😉 Mere liye woh teen magical words hain, "Main hoon na." ❤️ Bas aapke ye teen shabd sunte hi lagta hai ki sab already theek hona start ho gaya as if aap se filter hoke muskhilein mujh tak aate-aate bearable ho jati hain. "Main hoon na." 🤍 Ye actually sirf ek sentence nahi hai this is assurance, sukoon hai, ehsaas hai ki chahe kuch bhi ho jaaye, mujhe akele nahi ladna padega. Aur shayad isi liye aaj main itne confidence ke saath life ko dekh paata hoon. Kyunki mujhe pata hai ki kahin na kahin meri Di khadi hain aur keh rahi hain, "Tension mat lo, main hoon na." 🫂 Aaj dil mein sirf gratitude hai. Bahut saara gratitude. ❤️ Thank you sirf guidance ke liye nahi, balki us unwavering support ke liye jo aapne hamesha diya. Thank you meri baaton ko sunne ke liye, mujhe samajhne ke liye, aur mujhe meri hi nazron mein better insaan banane ke liye. Aap meri life ka bahut important hissa hain, aur hamesha rahengi. 🤍 Bahut saara respect aur gratitude. ❤️✨

Aapki daant sunke bhi itna accha laga ki kya hi bolun!! Sach mein, yeh meri ab tak ki sabse favourite recording hai. Jab bhi kabhi main track se bhatakungi, overthink karungi, ya galat direction mein chali jaungi, main bas yeh recording laga ke baith jaungi. Aap mujhe har baar reality check bhi dete ho , direction bhi, aur woh clarity bhi jo kabhi kabhi khud se nahi milti….🤎🐐 Aur honestly, itna cared for, itna understood aur itna deeply seen maine shayad kabhi feel hi nahi kiya. Aapki daant mein bhi itna pyaar tha ki dil ko seedha lag gaya❤️‍🔥❤️‍🔥 This is genuinely my most favourite recording till date. I think I’m going to keep coming back to it whenever I lose my way. Never felt better in my life..Thank you:))🫶🫶